سياسة الاستبدال والاسترجاع

آخر تحديث: تشرين الثاني 2026

بجيبلي، بدنا تكون مرتاح 100% بكل طلبية. لهيك بتقدر تفحص الطلبية قدام الدليفري قبل ما تدفع.

1. الفحص عند الاستلام

إذا الغرض مش متل الصور أو فيه عيب واضح، فيك ترفض الطلبية قدام الدليفري وما بتدفع ولا شي.

2. ضمان الاستبدال 7 أيام

• عندك 7 أيام من تاريخ الاستلام لتطلب استبدال الغرض إذا طلع فيه عيب تصنيع.
• لازم يكون الغرض بحالتو الأصلية ومع علبتو وكل ملحقاتو.
• منبدّلك ياه بغرض جديد من نفس النوع، أو بغرض تاني بنفس القيمة إذا مش متوفر.

3. الحالات اللي ما بتنشمل

• الضرر الناتج عن سوء الاستعمال أو الكسر بعد الاستلام.
• المنتجات الشخصية والصحية بعد فتحها (متل غسول الفم) لأسباب صحية، إلا إذا فيها عيب تصنيع.

4. كيف بتطلب استبدال؟

ابعتلنا رسالة ع الواتساب ع نفس الرقم اللي تواصلنا معك منو، مع رقم الطلبية وصورة أو فيديو للمشكلة، ومنرتّبلك الاستبدال بأسرع وقت.

5. الاسترجاع المالي

بما إنو الدفع عند الاستلام، إذا وافقنا ع استرجاع غرض بعد الاستلام منرجّعلك المبلغ كاش عند استلام الغرض منك، أو منبدّلك ياه حسب اختيارك.